श्रीपञ्चाक्षरार्थस्तवःA machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-10This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
२४. ॥ अथ श्रीपञ्चाक्षरार्थस्तवः ॥
॥ षडक्षरश्लोकाः ॥
ओमित्येकाक्षरोऽसि प्रकृतिविरहितस्त्वोमितीदं च सर्वं ।त्वत्तो भिन्नं न चैतच्छिव तवमहिमांमहितंवक्ति वेदः सदैवोम् ।... ... ... ... ... ... ..... ... ... ... ... ... ...॥ १ ॥ईशानस्त्वं सर्वविद्याधिनाथ उद्गीतथस्त्वं वाचकस्त्वं तथैवोम् ।माता मानं मातृकाख्यानसिद्धिः शब्दादीनां मूलमीशस्तथैवोम् ॥ २ ॥नमस्ते रुद्रस्त्वं श्रुतिगतमनोऽन्तैकवचसांभवानन्तो नाथो नतिकरणनानाविधतनुः ।न हि त्वत्तो भिन्नं जगदपि च नानैव हि मृषानमः शेषी देवो न हि शिव विवादः श्रुतिबलात्(?)॥ ३ ॥महानात्मा मायाविरहितशरीरो मनुगतोमहेशो मन्त्रार्थस्त्वमसि मतिदाता मनसिगः ।मनस्वी मध्यस्थो मरणजनाननाद्यन्तरहितोमधुर्मन्ता माता भवसि हर मन्वर्चितपदः ॥ ४ ॥शिवः शिष्टो निष्ठो भवसि शिपिविष्टः शिवतरःसिनीवाल्यः खल्यः शशिधर शिखासूक्तिमहिमा ।शिखी नेत्रो यन्ता भवसि शितिकण्ठस्त्वमसिधृक्शतावर्तो हर्ता त्वमसि भवहर्तासि जगताम्(?)॥ ५ ॥वाहीकृतोक्ष भगवन् हर वामदेववाताशनाधिपतिभूषितदिव्यकाय ।वास्तव्यवास्तुप महेश्वर वामनेत्रा-कॢप्तार्धकाय भगवन् नववारणारे ॥ ६ ॥यतो जातं विश्वं यमयति तथान्ते च यदृतेन हि स्वस्थं यस्मान्न भवति तथा नो नगतिकम् ।यमात्मानं सर्वे न हि खलु विजानन्ति तमसःपरं पारं यत्तद्भवसि यततां वै नियमिता ॥ ७ ॥पञ्चाक्षरार्थस्तवमेत(दे)मेवं पठन्ति ये(वाध्यवसन्तमांशिवे)चाध्यवसायवन्तः।त एव धन्या जगतीतलेऽस्मिन् तेषां हि मुक्तिः करगा भवेन्ननु ॥ ८ ॥॥ इति श्रीशिवपञ्चाक्षरार्थस्तवः सम्पूर्णः ॥