श्रीनटेशस्तवः A machine-readable edition Arun Prasad Arun Prasad Creation of machine-readable version. Ambuda (https://ambuda.org)

Distributed by Ambuda under a Creative Commons CC0 1.0 Universal Licence (public domain)

 2026-05-10 This text has been created by direct export from Ambuda's proofing environment. स्तोत्रार्णवः V. Chandrasekaran, M.A., L.T. Government Oriental Manuscripts Library Madras 1961

Ambuda is an online library of Sanskrit literature.

Normalization of whitespace around dandas and other punctuation marks.

 २३. ॥ अथ श्रीनटेशस्तवः ॥ ह्रीमत्या शिवया विराण्मयमजं हृत्पङ्कजस्थं सदा ह्रीणा ना नां शिवकीर्तने हितकरं हेलाहृदा मानिनाम् । ह्रीबेरादिसुगन्धवस्तुरुचिरं हेमाद्रिबाणासनं हीङ्कारादिकपादपीठममलं हृद्यं नटेशं भजे ॥ १ ॥ श्रीमज्ज्ञानसभान्तरे प्रविलसच्छ्रीपञ्चवर्णाकृतिं श्रीवाणीविनुतापदाननिचयं श्रीवल्लभेनार्चितम् । श्रीविद्यामनुमोदिनं श्रितजनश्रीदायकं श्रीधरं श्रीचक्रान्तरवासिनं शिवमहं श्रीमन्नटेशं भजे ॥ २ ॥ नव्याम्भोजमुखं नमज्जननिधिं नारायणेनार्चितं नाकौकोनगरीनटीलसितकं नागादिनालङ्कृतम् । नानारूपक (नृत्त) नर्त नादिचतुरं नालीकजान्वेषितं नादात्मानमहं नगेन्द्रतनयानाथं नटेशं भजे ॥ ३ ॥ मध्यस्थं मधुवैरिमार्गितपदं मद्वंशनाथं प्रभुं मारातीतमतीव मञ्जुवपुषं मन्दारगौरप्रभम् । मायातीतमशेषमङ्गलनिधिं मद्भावनाभावितं मध्येव्योमसभागुहान्तमखिलाकाशं नटेशं भजे ॥ ४ ॥ शिष्टः पूजितपादुकं शिवकरं शीतांशुरेखाधरं शिल्पं भक्तजनावने शिथिलिताघौघं शिवायाः प्रियम् । शिक्षारक्षणमम्बु (शा) जा सनशि (रोबं) रस्सं हारशीलप्रभुं शीतापाङ्गविलोचनं शिवमहं श्रीमन्नटेशं भजे ॥ ५ ॥ वाणीवल्लभवन्द्यवैभवयुतं वन्दारुचिन्तामणिं वाताशाधिपभूषणं परकृपावारांनिधिं योगिनाम् । वाञ्छापूर्तिकरं वलारिविनुतं वाहीकृताम्नायकं वामङ्गात्तवराङ्ग ना नं मम हृदावासं नटेशं भजे ॥ ६ ॥ यक्षाधीशसखं यमप्रमथनं यामिन्यधीशासनं यज्ञध्वंसकरं यतीन्द्रविनुतं यज्ञक्रियादीश्वरम् । याज्यं याजकरूपिणं यमधनैर्यत्नोपलभ्याङ्घ्रिकं (या) वा जीभूतवृषं सदा हृदि ममायत्तं नटेशं भजे ॥ ७ ॥ मायाश्रीविलसच्चिदम्बरमहापञ्चाक्षरैरङ्कितान् लोकान् सप्त पठन्ति येऽनुदिवसं चिन्तामणीनामकान् । तेषां भाग्यमनेकमायुरधिकान् वि (ध्यध्व) द्वद्व रान् सत्सुतान् सर्वाभीष्टमसौ ददाति सहसा श्रीमत्सभाधीश्वरः ॥ ८ ॥ ॥ इति श्रीनटेशस्तवः सम्पूर्णः ॥