श्रीमातृभूतेश्वरस्तोत्रम्A machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-09This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
१६. ॥ अथ श्रीमातृभूतेश्वरस्तोत्रम् ॥प्रसन्नवक्त्रमेकदन्तमादिपूज्यमीश्वरंसुरासुरेन्द्रसेव्यमानपादपद्ममव्ययम् ।समस्तशोकनाशकारणं सुखप्रदं नृणांउमासुतं नमामि तं समस्तविघ्नशान्तिदम् ॥ १ ॥अजायमानमप्यनेकधा सुजायमानमुं(?)पुराणमप्यहं युवानमादिकारणं शिवम् ।अपाणिपादमप्यनेकपादपाणिचक्षुषंनमामि मातृभूतसाम्बमूर्तिमेव सन्ततम् ॥ २ ॥अनन्तरूपनामधेयमप्यनामरूपकंकपालभिक्षमप्यशेषलोकसर्वकामदम् ।अनाथमप्यशेषलोकनाथमीशमच्युतंनमामि मातृभूतसाम्बमूर्तिमेव सन्ततम् ॥ ३ ॥अजीवमप्यनन्तजीवरक्षकं सुजीविनंमहान्तमप्यणुं हृदि स्थितं न दृश्यमीडितम् ।बहिःस्थितं नरामरैः स्वभक्तनेतृगोचरंनमामि मातृभूतसाम्बमूर्तिमेव सन्ततम् ॥ ४ ॥उमावचःप्रतिप्रभाषणाज्ञमप्यधीश्वरंसुवाग्मिनामपि प्रियं जितेन्द्रियोत्तमं रतौ ।अजय्यमप्युमामुदे सुमेषुणा विनिर्जितंनमामि मातृभूतसाम्बमूर्तिमेव सन्ततम् ॥ ५ ॥कुरङ्गलोचनाऽगजाविलासहर्षमानसंगजास्यशौरिबालकेलिदर्शनातिविस्मितम् ।सुनन्दिबाणभृङ्गिचण्डिरावणादिपूजितंनमामि मातृभूतसाम्बमूर्तिमेव सन्ततम् ॥ ६ ॥सुमृत्तिकाशिलादिषूधियामपीष्टदायकं(?)सुपुत्रनीलकण्ठनामधेयवक्तुरिष्टदम् ।मृगं हरेषुमाहरेति वक्तुराशु मुक्तिदंनमामि मातृभूतसाम्बमूर्तिमेव सन्ततम् ॥ ७ ॥समस्तलोकदग्धुकामकालकूटभक्षकंभिषग्वरं त्रिविष्टपस्य मातृभूतमीश्वरम् ।मृकण्डुसूनुरक्षणाय मृत्युदर्पभञ्जकंनमामि मातृभूतसाम्बमूर्तिमेव सन्ततम् ॥ ८ ॥अनाथगर्भिणीस्त्रियः शिशोः सुतस्य मे सदासुखप्रदं सुमातृवत् शरण्यमेव नान्यथा ।कृपारसार्द्रमानसेशमच्युतप्रियं शिवंनमामि मातृभूतसाम्बमूर्तिमेव सन्ततम् ॥ ९ ॥सुगन्धिकुन्तलाम्बिकासमेतमद्रिवासिनंसमीपवर्तिरङ्गनाथजम्बुकेश्वरप्रभुम् ।अनाथगर्भिणीवधूसुखप्रसूतिकारकंनमामि मातृभूतसाम्बमूर्तिमेव सन्ततम् ॥ १० ॥इयं समस्तकामदा नवप्रसूनमालिकानृणामशेषकर्मजन्यशोककक्षपावका ।सुदर्शनाख्यपण्डितेन भक्तियुक्तचेतसाविलिख्यते शिवप्रसादलेशला भवैभवात् ॥ ११ ॥या कृपा गर्भिणीत्राणे या कृपा मुनिनन्दने ।मातृभूतेश्वर क्षिप्रं सा कृपा मयि दीयताम् ॥ १२ ॥ ·या कृपा मुनिसंत्राणे या कृपा कपिनायके ।या विभीषणरक्षायां सा कृपा मयि दीयताम् ॥ १३ ॥अग्रतः पृष्ठतश्चैव पार्श्वतश्च महाबलौ ।1आकर्णपूर्णधन्वानौ रक्षेतां रामलक्ष्मणौ ॥ १४ ॥॥ इति श्रीमातृभूतेश्वरस्तोत्रं सम्पूर्णम् ॥