श्रीगोविन्दराजस्तुतिःA machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-10This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
१७.॥ अथ श्रीगोविन्दराजस्तुतिः ॥सेवे गोविन्दराजं सुरनरमुनिभिः सेव्यमानाङ्घ्रिपद्मंलक्ष्मीभूभ्यां लसन्तं मणिमयमकुटोद्भासमानाननाब्जम् ।बिभ्राणं शङ्खचक्रे शशिरविलसिते हस्तपद्मद्वयाभ्यांप्रत्नंभोगीन्द्रतल्पंवरगुणजलधिं मेघसच्छायदेहम् ॥ १ ॥मुग्धनीलाळकास्येन्दुमुत्फुल्लाम्भोजलोचनम् ।कुन्दकुड्मलसञ्छाच्छात्रदशनंपल्लवाधरम्॥ २ ॥सुभ्रूलतं चम्पकालीविडम्ब्युन्नतनासिकम् ।चारुमन्दस्मितं हेमकर्णभूषणमञ्जुळम् ॥ ३ ॥चलत्कुण्डलसंशोभिकपोलफलकद्वयम् ।ग्रैवेयकोल्लसत्कम्बुकण्ठं कौस्तुभभूषितम् ॥ ४ ॥सुगन्धतुलसीमालामुक्ताहारकवक्षसम् ।शङ्खचक्रधरं रुक्मवलयाङ्गदबाहुकम् ॥ ५ ॥कटीतटीप्रविलसद्द्रुतहेमाम्बरं प्रभुम् ।गजशुद्धास्वर्मिसक्थिंगजशुण्डास्पर्धिसक्थंमुकुरामुग्धजानुकम् ॥६॥कामतूणीरसदृशजङ्घादण्डोपशोभितम्।क्वणत्प्रत्युप्तमाणिक्यमञ्जीरपदपङ्कजम् ॥ ७ ॥कन्दर्पकोटिसंकाशं नीलाम्बुधरविग्रहम् ।आनन्दकन्दलं गोपरमणीनयनोत्सवम् ॥ ८ ॥पुण्यराशिं वेदवेद्यं दयाजन्मनिकेतनम् ।लोकदुःखतमोबृन्दचण्डभानुं नरोत्तमम् ॥ ९ ॥नित्यं निरञ्जनं भक्तजनाम्बुधिकलानिधिम् ।दशरूपधरं देवं सृष्टिस्थित्यन्तकारिणम् ॥ १० ॥निबिडोत्फुल्लकुसुमफलकोरकमण्डितैः ।शङ्खस्वनत्परभृतप्रमुखाण्डजशेभितैः ॥ ११ ॥चम्पकाशोकपुन्नागचिञ्चाम्रवकुळुद्रमैः ।रम्ये विशाले स्वच्छाम्बुपुण्डरीकसरस्तटे ॥ १२ ॥प्राकारगोपुरोदग्रमण्डपान्वितसन्निभौधौ।शान्तं गोविन्दराजं तमहर्निशमहं भजे ॥ १३ ॥रङ्गाधिपं रविकुलीननृपैः सुपूज्यंभोगीन्द्रभोगशयनीयतले शयानम् ।ज्ञानप्रदं तनुभृतां वरदं वरेण्यंश्रीनाथमादरमहं सततं भजामि ॥ १४ ॥॥ इति सुदर्शनवरदनारायणदासकृता श्रीगोविन्दराजस्तुतिः
सम्पूर्णा ॥