श्रीगणपतिमन्त्राक्षरावलिःA machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-08This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
२. ॥ श्रीगणपतिमन्त्राक्षरावलिः ॥श्रीदेव्युवाच---विना तपो विना ध्यानं विना होमं विना जपम् ।अनायासेन विघ्नेशप्रीणनं वद मे प्रभो ॥ १ ॥महेश्वर उवाच ---मन्त्राक्षरावलिस्तोत्रं महासौभाग्यवर्धनम् ।दुर्लभं दुष्टमनसां सुलभं शुद्धचेतसाम् ॥ २ ॥महागणपतिप्रीतिप्रतिपादकमञ्जसा ।कथयामि घनश्रोणि कर्णाभ्यामवतंसय ॥ ३ ॥ओंकारवलयाकारम् अच्छकल्लोलमालिकम् ।ऐक्षवं चेतसा वक्ष्ये सिन्धुं सन्धुक्षितस्वनम् ॥ ४ ॥श्रीमन्तं मध्यजलधेरन्तरभ्युदितं नुमः ।मणिद्वीपं महाकायं महाकल्पं1महोदयम् ॥ ५ ॥2प्रीतिमादधता धाम्ना धाम्नामीशे3किशोरके ।कल्पोद्यानस्थितं वन्दे भारवन्तं4मणिमण्डपम् ॥ ६ ॥क्लीबस्यापि स्मरोन्मादकारिशृङ्गारशालिनि ।तन्मध्ये गणनाथस्य मणिसिंहासनं भजे ॥ ७ ॥ग्लौकलाभिरिवाच्छाभिस्तीव्रादिनवशक्तिभिः ।जुष्टं लिपिमयं पद्मं धर्माद्याश्रयमाश्रये ॥ ८ ॥गम्भीरमिव तत्राब्धिं वसन्तं त्र्यश्रमण्डले6।उत्सङ्गगतलक्ष्मीकमुद्यत्तिग्मांशुपाटलम् ॥ ९ ॥गदेक्षुकार्मुकरुजा चक्राम्बुजगुणोत्पलैः ।व्रीह्यग्रनिजदन्ताय6तुलसीमातुलुङ्गकैः ॥ १० ॥1. कायं2. हेति3. शिरोरके4. भास्वरं5. मण्डपे6. सलकीणषष्ठवर्णवाच्यस्य दारिद्र्यस्य विभञ्जकैः ।एतैरेकादशकरानलङ्कुर्वाणमुन्मदम् ॥ ११ ॥परानन्दमयं भक्तप्रत्यूहव्यूहनाशनम् ।परमार्थप्रबोधाब्धिं पश्यामि गणनायकम् ॥ १२ ॥तत्पुरःप्रस्फुरद्बिल्वमूलपीठसमाश्रयौ ।रमारमेशौ विमृशाम्यशेषशुभदायकौ ॥ १३ ॥येन दक्षिणभागस्थन्यग्रोधतलमाश्रितम् ।साकल्पं सायुधं वन्दे तं साम्बं परमेश्वरम् ॥ १४ ॥वरसम्भोगरुचिरौ1पश्चिमे पिप्पलाश्रयौ ।रमणीयतरौ वन्दे रतिपुष्पशिलीमुखौ ॥ १५ ॥रममाणौ गणेशानोत्तरदिक्फलिनीतले ।भूभूधरावुदाराभौ भजे भुवनपालकौ ॥ १६ ॥वलमानवपुर्ज्योतिःकडारितककुप्तटीः ।हृदयादिरगं देवि2रङ्गरक्षाकृते भजे ॥ १७ ॥रदकाण्डरुचिज्योत्स्ना3काशगण्डस्रवन्मदम् ।ऋद्ध्याश्लेषकृतामोदमामोदं देवमाश्रये ॥ १८ ॥दलत्कपोलविगलन्मदधाराबलाहकम् ।समृद्धितटिदाश्लिष्टं प्रमोदं हृदि भावये ॥ १९ ॥सकान्तिं कान्तिलतिकापरिरब्धतनुं भजे ।भुजप्रकाण्ड4सच्छायं सुमुखं कल्पपादपम् ॥ २० ॥वन्दे तुन्दिल5मिन्धानं चन्द्रकन्दलशीतलम् ।दुर्मुखं मदनावत्या निर्मितालिङ्गनामृतम् ॥ २१ ॥जम्भवैरिकृताभ्यर्च्यौ जगदभ्युदयप्रदौ ।अहं मदद्रवौ विघ्नाहतये6तेजसां श्रये ॥ २२ ॥7नवशृङ्गाररुचिरौ नमत्सर्वसुरासुरौ ।द्राविणीविघ्नकर्तारौ द्रावयेतां दरिद्रताम् ॥ २३ ॥1. रसिकौ2. देवमङ्ग3. शार4. संच्छायि5. सन्धां च6. रेफसां7. सममेदुरं मौक्तिकासारं वर्षन्तौ1भक्तिशालिनाम् ।वसुधाराशङ्खनिधी वाक्पुष्पाञ्जलिभिः स्तुमः ॥ २४ ॥वर्षन्तौ रत्नवर्षेण2वलद्बालातपत्विषौ ।वरदौ नमतां वन्दे वसुधापद्मशेवधी ॥ २५ ॥शमिताधिमहाव्याधीः सान्द्रानन्दकरम्बिताः ।ब्राह्म्यादीः कलये शक्तीः शक्तीनामभिवृद्धये ॥ २६ ॥मामवन्तु महेन्द्राद्या दिक्पाला दर्पशालिनः ।3संनुमः श्रीगणाधीशं4सवाहायुधशक्तयः ॥ २७ ॥नवीनपल्लवच्छायादायादवपुरुज्ज्वलम् ।मेदस्वि मदनिष्यन्दस्रोतस्वि कटकोटरम् ॥ २८ ॥यजमानतनुं यागरूपिणं यज्ञपूरुषम् ।यमं यमवतामर्च्यं यत्नभाजामदुर्लभम् ॥ २९ ॥स्वारस्यपरमानन्दस्वरूपं स्वयमुद्गतम् ।स्वयं वेद्यं स्वयं शक्तं5स्वयं कृत्यत्रयाकरम् ॥ ३० ॥हारकेयूरमकुटकटकाङ्गदकुण्डलैः ।अलङ्कृतं च विघ्नानां हर्तारं देवमाश्रये ॥ ३१ ॥इति6मन्त्रावलिस्तोत्रं कथितं तव सुन्दरि ।समस्तमीप्सितं तेन सम्पादय शिवे7शिवम् ॥ ३२ ॥॥ इति श्रीगणपतिमन्त्राक्षरावलिस्तोत्रं सम्पूर्णम् ॥