श्रीदाक्षायणीस्तोत्रम्A machine-readable editionArun PrasadArun PrasadCreation of machine-readable version.Ambuda (https://ambuda.org)
Distributed by Ambuda under a Creative Commons CC0 1.0 Universal Licence (public domain)
2026-05-10This text has been created by direct export from Ambuda's proofing environment.स्तोत्रार्णवःV. Chandrasekaran, M.A., L.T.Government Oriental Manuscripts LibraryMadras1961
Ambuda is an online library of Sanskrit literature.
Normalization of whitespace around dandas and other punctuation marks.
११. ॥ अथ श्रीदाक्षायणीस्तोत्रम् ॥गम्भीरावर्तनाभिर्मृगमदतिलका वामबिम्बाधरोष्ठीश्रीकान्ता काञ्चिदाम्ना परिवृतजघना कोकिलालापवाणी ।कौमारी कम्बुकण्ठी प्रहसितवदना धूर्जटिप्राणकान्तारम्भोरुः सिंहमध्या हिमगिरितनया शाम्भवी नः पुनातु ॥ १ ॥दद्यात् कल्मषहारिणी शिवतनुः पाशाङ्कुशालङ्कृताशर्वाणी शशिसूर्यवह्निनयना कुन्दाग्रदन्तोज्ज्वला ।कारुण्यामृतपूर्णवाग्विलसिता मत्तेभकुम्भस्तनीलोलाक्षी भवबन्धमोक्षणकरी निश्रेयसं सन्ततम् ॥ २ ॥मध्येसुधाब्धि मणिमण्टपरत्नवेद्यांसिंहासनोपरिगतां परिपीतवर्णाम् ।पीताम्बराभरणमाल्यविचित्रगात्रींदेवीं भजामि दृढबुद्धतलेडजिह्वाम्(?)॥ ३ ॥सन्नद्धां विविधायुधैः परिवृतामालीकुमारीगणैःध्यायेदीप्सितदायिनीं त्रिनयनां सिंहाधिरूढां सिताम् ।शङ्खंचक्रधनूंषि चारुचक्रमथो धनुश्चदधतींबिभ्रादिव्यायुधां तर्जनींवामे शक्तिमसिं महेषुमितरे श्रीशक्तिशूलं भजे ॥ ४॥किंशुकच्छदविशाललोचनीं किञ्च नागरसवल्लिसंयुताम् ।अङ्गचम्पकसमानवर्णिनीं शङ्करप्रियसतीं नमाम्यहम् ॥ ५ ॥आरुह्य सिंहमसिचर्मरथाङ्गशङ्ख-शक्तित्रिशूलशरचापधरा पुरास्तात् ।गच्छ त्वमम्ब दुरिते पथि दुष्टसत्त्वात्संरक्षणाय सततं मम देवि दुर्गे ॥ ६ ॥दिनकरशशिनेत्रेदिव्यतेदेव्युमेरुद्रगात्रेघनसमुचितगात्रे कल्पवल्लीसवित्रि ।अनवरतपवित्रे ह्यम्बिके कालरात्रेमुनिविनुतचरित्रे मोहने शैलपुत्रि ॥ ७ ॥जलरुहसमपाणे सत्कलाबाणतूणेसुललितमुखवीणे सर्वविद्याप्रवीणे ।अलघुनुतपुराणे ह्यर्थभाषाधुरीणे-प्यलिसमुदयवेणि ग्रावजे शम्भुराज्ञि ॥ ८ ॥विविधगुणकराली विश्वतत्त्वावरालीशिवहृदयसमेली स्वयभवामथाली(?)।नवमणिमयमौली नागरक्षोविभालीधवलभसितधूलीधारिणी भद्रकाली(?)॥ ९ ॥जननमरणहारी सर्वलोकोपकारीजननजतविहारी चारुवक्षोरुहारी(?)।कनकगिरिविहारी कालगर्वोपहारीघनफणधरहारी कालि कौमारि गौरि(?)॥ १० ॥मलहरुनिमतङ्गी मन्त्रयन्त्रप्रसङ्गीवलयितसुभुजङ्गी वाङ्मयी मौनसङ्गी(?)।विलयभयविहङ्गी विश्वतो रक्षपाङ्गीकलितजयतुरङ्गी खण्डचन्द्रोत्तमाङ्गी(?)॥ ११ ॥अम्ब त्वदाराधनतत्पराणांमुखारविन्दे सरसं कवित्वम् ।करारविन्दे वरकल्पवल्लीपदारविन्दे नृपमौलिराजिः ॥ १२ ॥पुरवैरिधात्रि मुरवैरिपूजितेजलदालिवेणि फलदायिके शिवे ।सदयं ससंपदुदयं कुरुष्व मेजगदम्ब शाम्भवि कदम्बवासिनि ॥ १३ ॥विजयविभवदात्री विश्वकल्याणगात्रीमधुकरशुभवेणी मङ्गलावासवाणी ।शतमखविधिगीता शाम्भवी लोकमाताकलिरिपुजयघोटी कामकोटिः सहाया ॥ १४ ॥मधुपमहितमौर्वी मल्लिकामञ्जुलोर्वी-धरपतिवरकन्या धर्मभूतेषु धन्या ।मणिमयघनवीणा मञ्जरीदिव्यबाणाकलिरिपुजयघोटी कामकोटिः सहाया ॥ १५ ॥अम्ब त्वदंशोरणुरंशुमालीतवैव मन्दस्मितबिन्दुरिन्दुः ।यादृच्छिकं संल्लपितं त्रयी तेपुम्भावलीला पुरुषत्र यान्ति(?)॥ १६ ॥दुर्वेदनानुभवनैः परिदूयमानानिर्वेदमेति नितरां कलना मदीया ।पर्वेन्दुसुन्दरमुखि प्रणतानुकम्पेसर्वेश्वरि त्रिपुरसुन्दरि मे प्रसीद ॥ १७ ॥यत्प्रभापटलपाटलं जगत् पद्मरागमणिमण्डपायते ।पाशपाणि सृणिपाणि भावये चापपाणि शरपाणि दैवतम् ॥ १८ ॥ऐश्वर्यमष्टविधमष्टदिगीश्वरत्व-मष्टात्मता च फलमाश्रयिणामितीव ।मुद्रां वहन् घनधियो वटमूलवासीमोदं तनोतु मम मुग्धशशाङ्कचूडः ॥ १९ ॥गेहं नाकति गर्वितः प्रणमति स्त्रीसङ्गमो मोक्षतिद्वेषी मित्रति पातकं सुकृतति क्ष्मावल्लभो दासति ।मृत्युर्वैद्यति दूषणं सुगुणति त्वत्पादसंसेवनात्त्वां वन्दे भवभीतिभञ्जनकरीं गौरीं गिरीशप्रिये ॥ २० ॥पातय वा पाताले स्थापय वा सकललोकसाम्राज्ये ।मातस्तव पदयुगलं नाहं मुञ्चामि नैव मुञ्चामि ॥ २१ ॥आपदि किं करणीयं स्मरणीयं चरणयुगलमम्बायाः ।तत्स्मरणं किं कुरुते ब्रह्मादीनपि च किङ्करीकुरुते ॥ २२ ॥मातर्मे मधुकैटभघ्नि महिषप्राणापहारोद्यमेहेलानिर्मितधूम्रलोचनवधे हे चण्डमुण्डार्दिनि ।निःशेषीकृतरक्तबीजदनुजे नित्ये निशुम्भापहेशुम्भध्वंसिनि संहराशु दुरितं दुर्गे नमस्तेऽम्बिके ॥ २३ ॥रक्ताभामरुणांशुकाम्बरधरामानन्दपूर्णाननांमुक्ताहारविभूषितां कुचभरक्लान्तां सकाञ्चीगुणाम् ।देवीं दिव्यरसान्नपात्रकरकामम्भोजदर्वीकरांध्याये शङ्करवल्लभां त्रिणयनामम्बां सदान्नप्रदाम् २४ ॥उद्यद्भानुनिभां दुकूलवसनां क्षीरोदमध्ये शुभेमूले कल्पतरोः स्फुरन्मणिमये सिंहासने संस्थिताम् ।विभ्राणां करयोः सुवर्णचपकं बीजं च शाल्युद्भवंभक्ताभीष्टवराभयाञ्जलिपुटां ध्यायेऽन्नपूर्णेश्वरीम् ॥ २५ ॥वामे पायसपूर्णहेमकलशं पाणौ वहन्ती मुदाचान्ये पाणितले सुवर्णरचितां दर्वीं च भूषोज्ज्वलाम् ।अम्बा शुद्धदुकूलचित्रवसना कारुण्यपूर्णेक्षणाश्यामा काचन शङ्करप्रियतमा शातोदरी दृश्यते ॥ २६ ॥करेण चञ्चन्मणिकङ्कणेनदर्वीं दधानां धवलान्नपूर्णाम् ।कदावलोके करुणालवालांकाशीपुरीकल्पलतां भवानीम् ॥ २७ ॥या माणिक्यमनोज्ञहारविभुनासहितासिन्दूरभासान्वितातारानायकशेखरा त्रिनयना पीनस्तनोद्भासिता ।बन्धूकप्रसवारुणाम्बरधरा मार्ताण्डकोट्युज्ज्वलासा दद्याद्भुवनेश्वरी भगवती श्रेयांसि भूयांसि नः ॥ २८ ॥माणिक्यनूपुरविभूषितपादपद्मांहस्तारविन्दकरुणारसपूर्णदर्वीम् ।सन्ध्यारुणांशुकधरां नवचन्द्रचूडांमन्दस्मितां गिरिसुते भवतीं भजामि ॥ २९ ॥॥ इति श्रीदाक्षायणीस्तोत्रं सम्पूर्णम् ॥